मृत अवस्थामा भेटिए पत्रकार बानियाँ

पत्रकार बलराम बानियाँको शव फेला परेको छ। मंगलबार बिहान मकवानपुरको सिस्नेरीस्थित माण्डो जलविद्युत परियोजना क्षेत्रमा शव फेला परेको प्रहरीले जनाएको छ।

उनी हाल कान्तिपुर दैनिकका आबद्ध थिए ।

महानगरीय अपराध महाशाखाका एसएसपी दीपक थापाका अनुसार, मंगलबार भेटिएको शव बानियाँको भएको उनको परिवारले पुष्टि गरेकाे छ। बानियाँको शव हेटौडा अस्पतालमा राखिएको थापाले बताए।

बानियाँ तीन दिनदेखि बेपत्ता भएको कान्तिपुर अनलाइनले लेखेको छ। सोमबार बल्खुमा उनी अन्तिम सम्पर्कमा देखिएका थिए। उनलाई बागमतीले बगाएर त्यहाँ लगेको अनुमान गरिएको छ।

बानियाँ लामो समयदेखि कान्तिपुरमा आवद्ध थिए। उनले केही समय नागरिक दैनिकमा समेत काम गरेका थिए।

पत्रकार बानियाँ २०६२/०६३ को जनआन्दोलकालमा नेपाल पत्रकार महासंघका सचिब थिए ।