लोमान्थाङ गाउँपालिकाको बजेट ३२ करोड ६० लाख

कोरला नाका रहेको उपल्लो मुस्ताङको लोमान्थाङ गाउँपालिकाले मंगलबार ३२ करोड ६० लाख बराबरको अनुमानित बजेट सार्वजनिक गरेको छ ।
गाउँपालिकाको २० औ गाउँसभा अधिवेशनमा उपाध्यक्ष छिमी बिष्टले अगामी आर्थिक वर्ष २०८२/०८३ का लागि चालुखर्चतर्फ ११ करोड ७४ लाख ६३ हजार अर्थात (३६.०२) प्रतिशत र पुँजिगत विकास खर्चतर्फ २० करोड ८५ लाख ८७ हजार अर्थात (६३.३७) प्रतिशत बजेट पेश गरेकी हुन ।
आगामी आर्थिक वर्षका लागि विनियोजित बजेटमा गाउँपालिकाले १५ लाख २५ हजार राजश्व उठाउने अनुमान गरेको छ ।
गाउँपालिकाको बजेटमा संघीय तथा प्रादेशिक राजश्व बाँडफाँडबाट कुल ९ करोड १३ दाख २६ हजार छ । संघीय समानिकरण अनुदान ७ करोड ७ लाख र प्रदेश समानिकरण अनुदान ५८ लाख ८७ हजार रहेको उपाध्यक्ष बिष्टले बजेट वक्तव्य मार्फत जानकारी दिनुभयो ।
संघीय सशर्त अनुदान ६ करोड ७० लाख र प्रदेश सशर्त अनुदान २ लाख समावेश गरिएको छ । संघीय समपुरक अनुदान ९६ लाख र प्रदेश समपुरक अनुदान ६० लाख छ । यस्तै, सघीय विशेष अनुदान ६९ लाख र प्रदेश विशेष अनुदान ३९ लाख ९० हजार रहेको छ ।
आर्थिक विकासतर्फ २ करोड ६३ लाख, सामाजिक विकासतर्फ ४ करोड ३९ लाख ५५ हजार,पूर्वाधार विकासतर्फ ८ करोड १२ लाख ५० हजार,सुशासनतर्फ १ करोड २८ लाख ३ हजार बजेट विनियोजन गरेको छ । पालिकाले विपद् व्यवस्थापनतर्फ ४१ लाख बजेट छुट्याएको छ ।
आगामी आर्थिक वर्षका लोमान्थाङ गाउँपालिका अध्यक्ष टसीनर्बु गुरुङले नीति तथा कार्यक्रम पास गरेके छ ।