भारतमा एकै दिन थपिए ८४ हजार सङ्क्रमित

अहिलेसम्मकै र संसारमै एकै दिन सबैभन्दा धेरै जनामा कोरोना पुष्टि

भारतमा कोरोना भाइरसबाट दैनिक रुपमा सङ्क्रमित क्रमअत्यधिक बृद्धि भएको छ ।

पछिल्लो विवरणअनुसार २४ घन्टा भित्रमा झण्डै ८४ हजार जना कोरोना भाइरसबाट सङ्क्रमित भेटिएका छन् ।

सरकारी अधिकारीहरुले दिएको जानकारी अनुसार पछिल्लो पटक ८३ हजार ८ सय ८३ जना सङ्क्रमित भेटिएका हुन् । यो संंख्या अहिलेसम्मकै संसारमै सबैभन्दा धेरै भएको पनि अधिकारीहरुको भनाई छ ।

पछिल्लो थपिएकोसँगै भारतमा कुल सङ्क्रमितको संख्या ३८ लाखभन्दा बढी पुगेको केन्द्रीय स्वास्थ्य तथा परिवार कल्याण मन्त्रालयले जनाएको छ ।

भारतमा कोरोना भाइरसकै कारण अहिलेसम्म ६७ हजार ३ सय ७६ जनाको मृत्यु भएको छ । तीमध्ये एक हजार ४३ जनाको पछिल्लो २४ घण्टामा मृत्यु भएको हो । मन्त्रालयका अनुसार कुल सङ्क्रमित ३८ लाख ५३ हजार ४ सय ७ जना रहेकोमा २९ लाख ७० हजार ४ सय ९३ जना सङ्क्रमणमुक्त भइसकेका छन् ।

त्यसबाहेक आठ लाख १५ हजार ५३८ जना भने अझै पनि सङ्क्रमित अवस्थामै रहेको अधिकारीहरुले जानकारी दिएका छन् । कोरोनाभाइरसको सङ्क्रमणको प्रभाव भारतमा सबैभन्दा धेरै महाराष्ट्रमा देखिएको छ । त्यहाँ अहिलेसम्म दुई लाख दई हजार ४८ जना सङ्क्रमित भेटिएका छन् ।

भारतमा देशभरि एकैदिनमा ११ लाख ७२ हजार १ सय ७९ जनाको कोरोना परीक्षणका लागि स्वाब संंकलन गरिएको छ । भारतमा अहिलेसम्म साढे चार करोडभन्दा बढीको कोरोना परीक्षण गरिएको छ