खेलाडीले गरे वेस क्याम्प सरसफाइ

अन्नपूर्ण गाउँपालिका, ७ घराम्दीका भलिवल खेलाडीहरुले अन्नपूर्ण प्रथम हिमाल आरोहण मार्गमा पर्ने वेस क्याप र पञ्चकुण्ड ताल क्षेत्रबाट फोहोर संकलन गरी नष्ट गरेका छन । अन्नपूर्ण प्रथम हिमाल म्याग्दीको अन्नपूर्ण गाउँपालिका, ४ नारच्याङमा अवस्थित छ ।
स्थानीय घराम्दीका १९ जना भलिवल खेलाडी (महिला–पुरुष)हरुले अन्नपूर्ण प्रथम हिमाल आरोहण मार्गमा पर्ने हुमखोलादेखी चार हजार एक सय मिटर उचाईमा रहेको वेसक्याम्प सम्मको ४२ किलोमिटर क्षेत्रमा पदयात्रीले फालेका फोहोर संकलन गरी सुरक्षित स्थलमा पुर्‍याएर नष्ट गरेका हुन ।
खेलाडीहरुलाइ वेस क्याम्प सरसफाइ गर्न उत्प्रेरणा र खर्चको ब्यवस्थापन भने घराम्दी घर भै हाल बेलायतमा बसोबास गर्ने धनबहादुर पाईजा र जक फगामीले गरेको टोलीमा संलग्न सुरेन गुरुङले बताए । तस्वीर ः सुरेन गुरुङ