अनेमसंघ म्याग्दीको अगुवा कार्यकर्ता भेला तथा प्रशिक्षण कार्यक्रम

नेकपा एमालेमा आबद्ध महिलाहरुको सङ्गठन अखिल नेपाल महिला संघ म्याग्दीको आयोजनामा बिहीबारदेखि सदरमुकाम बेनीमा अगुवा कार्यकर्ता भेला तथा प्रशिक्षण कार्यक्रम सुरु भएको छ ।

‘सामाजिक सुरक्षा र रोजगार, सम्पूर्ण क्षेत्रमा समान अधिकार’ भन्ने मूल नारासहित अगुवा कार्यकर्ता भेला तथा प्रशिक्षण कार्यक्रम आयोजना गरिएको हो । अगुवा कार्यकर्ता भेला तथा प्रशिक्षण कार्यक्रम आयोजना गर्नुको उद्देश्यमाथि प्रकाश पार्दै एमालेमा आबद्ध महिलाहरुलाई वैचारिक र साङ्गठनिक रुपमा सशक्त बनाउन प्रशिक्षण कार्यक्रमको आयोजना गरिएको जिल्ला अध्यक्ष थमसरा पुनलेबताइन् ।

लामो समय एकताको नाममा पार्टी र जनवर्गीय सङ्गठनको क्रियाकलाप र गतिशिलता शुन्य जस्तै रहेको हुँदा नेकपा एमाले पुरानै अवस्थामा फर्किएकाले सङ्गठनमा आबद्ध महिला सदस्यहरुको क्षमता वृद्धिसहित राजनीतिक रुपमा सक्षम बनाउन प्रशिक्षणले सहयोग पुग्ने छ ।

भेला तथा प्रशिक्षण कार्यक्रममा सहभागीहरुलाई प्रशिक्षण दिँदै नेकपा एमाले गण्डकी प्रदेश कमिटीको कार्यालय सदस्य नवराज शर्मा , एमाले म्याग्दीका अध्यक्ष हरिकृष्ण श्रेष्ठले, एमाले जिल्ला सचिव बालकृष्ण सुवेदीले,अनेमसंघका जिल्ला अध्यक्ष एवं धवलागिरि गाउँपालिकाको अध्यक्ष थमसरा पुनले सहजीकरण गरेका थिए । कार्यक्रमको सञ्चालन अनेमसंघका जिल्ला सदस्य खरमाया बिटालुले गरेकी थिइन् ।