सप्तरीका १८ वर्षीय युवामा कोभिड- १९ पुष्टि, नेपालमा संक्रमितको संख्या १२१ पुग्यो

सप्तरीका थप एक युवामा कोभिड-१९ को संक्रमण देखिएको छ। यससँगै कोभिड-१९ का पुष्टी भएकाहरूको संख्या १२१ पुगेको छ।
वीपी कोइराला स्वास्थ्य विज्ञान प्रतिष्ठान, धरानको प्रयोगशालामा गरिएको परिक्षण अनुसार सप्तरीका १८ वर्षीय युवामा नयाँ पुष्टी भएको हो।
सप्तरीको डाक्नेश्वोरी नगरपालिका वडा नं. ३ निवासी ती युवाको स्वास्थ्य अवस्था सामान्य रहेको र उनी स्वास्थ्यकर्मीको सम्पर्कमा रहेको स्वास्थ्य तथा जनसंख्या मन्त्रालयका सह-प्रवक्ता डा. समिरकुमार अधिकारीले जानकारी दिएका छन्।