धारापानीको वादिका भीरमा जीप दुर्घटनाहुँदा एक जनाको मृत्यु, ८ जना घाईते

धवलागिरी गाउँपालिका, ७ धारापानी नजिक वादिकाको भीरमा यात्रु बाहक जीप पल्टदा सवार एक जना यात्रुको घट्नास्थलमा मृत्यु भएको छ ।
धवलागिरी गापा, ७ ताकमबाट सदरमुकाम बेनी तर्फ गैरहेको ग १ ज ६८०५ नम्बरको जीप विहान ११ बजे सडकदेखी तल खस्दा सोही गापा, ७ ताकमका २७ वर्षिय विशाल सुनारको मृत्यु भएको प्रहरीले जनाएको छ ।
प्रहरीका अनुसार दुर्घटनामा घाईते चालक समेत ८ जना यात्रुको मालिका गाउँपालिका केन्द्र रहेको दरवाङ स्थित प्राथमिक स्वास्थ्य चौकीमा उपचार भैरहेको छ ।
‘घट्नास्थलमा भर्खर प्रहरी पुगेर मुचुल्का बनाउँदैछ, घाईतेको थप विवरण आउन बाँकी छ’ जिल्ला प्रहरी प्रमुख प्रहरी नायव उपरिक्षक श्यामकुमार राईले भने, ‘अप्यारो भीरको ओरालो सडकबाट भीर तर्फ गुल्टेको गाडी संयोगले सल्लाको रुखमा अड्केकोले थप मानवीय क्षति टरेको छ ।’