मुक्तिधाम माविले उचाल्याे रघुगंगा राष्ट्रपति रनिङ शिल्ड

म्याग्दीको रघुगंगा गाउँपालिका स्तरीय पाँचौं राष्ट्रपति रनिङ शिल्डको उपाधि मुक्तिधाम माध्यामिक विद्यालय भगवतीले उचालेको छ ।
शनिबार पिप्ले स्थित रघुगंगा माविके खेल मैदानमा सम्पन्न प्रतियोगितामा ९ स्वर्ण,पाँच\पाँच वटा रजत र कास्य गरी १९ वटा पटक जितेर मुक्तिधाम माविले नगद ५५ हजार पुरस्कार सहित रनिङ शिल्ड हात पारेको हो ।
यसैगरी, ८ स्वर्ण,४ रजत र ३ कास्य पदक जितेर साविक विजेता रघुगंगा मावि पिप्ले दोस्रो र ६ स्वर्ण,८ रजत र ४ कास्य पदक जितेको अमर मावि पाखापानी तेस्रो उपाधी हात पारे । दोस्रो र तेस्रो विजेता विद्यालयले क्रमशः ३५ हजार र २५ हजार नगद सहित प्रमाणपत्र प्राप्त गरेका छन् । चौथो स्थानमा भने महेन्द्र मावि झीँले ६ स्वर्ण,३ रजत र ६ कास्य पदकमा चित्त बुझायाे ।
विजेता विद्यालय र खेलाडीहरुलाई गाउँपालिका अध्यक्ष भवबहादुर भण्डारी,उपाध्यक्ष प्रेमकुमारी पुन, प्रमुख प्रशासकीय अधिकृत चेतनारायण भण्डारी समेतले पुरस्कार वितरण गरे ।