गण्डकीमा थप १६३ जनामा कारोना संक्रमण पुष्टि,म्याग्दीमा ६ जना संक्रमित थपिए

गण्डकी प्रदेशमा थप १६३ जनामा कारोना भाइरस संक्रमण पुष्टि भएको छ । लाइफ केयर एण्ड डायग्नोस्टिक प्रालि र क्षयरोग उपचार केन्द्र पोखरामा गरिएको परीक्षणका क्रममा दोस्रो लहर शुरु भएपछि गण्डकीमा थप १६३ जनामा कोरोना संक्रमण पुष्टि भएको हो ।

कास्कीमा देखिएका ११५ जना संक्रमितमध्ये पोखराका १०७ जना रहेका छन् । त्यस्तै अन्नपूर्ण गाउँपालिकाका ७ जना र मादी गाउँपालिकाका १ जना रहेका छन् ।

त्यस्तै संक्रमण पुष्टि हुनेहरुमा बागलुङका २२ जना, तनहुँका १० जना, नवलपरासी पूर्वका ७ जना, म्याग्दीका ६ जना, स्याङजाका ३ जना, र पर्वतका १ जना रहेका छन् । संक्रमितमध्ये महिला ५२ जना छन् भने अन्य पुरुष रहेका छन् ।

योसँगै गण्डकी प्रदेशमा कोरोना संक्रमितको संख्या १७ हजार ७३७ पुगेको छ । कोरोना भाइरसको दोस्रो लहर सुरु भएपछि कास्कीमा आज सबैभन्दा धेरैलाई कोरोना भाइरस संक्रमण पुष्टि भएको छ । यससँगै गण्डकी प्रदेशमा कोरोना भाइरस संक्रमितको संख्या १७ हजार ७ सय ३७ पुगेको छ ।