म्याग्दीमा विहिवार कोरोनाबाट २ को मृत्यु, २६ जना संक्रमित थपिए

म्याग्दीमा कोरोना संक्रमणबाट विहिवार दुई जनाको मृत्यु र २६ जना थपिएका छन ।

बेनी नगरपालिका, १ घर भै सदरमुकाम बेनीको कालीपुल स्थित एक होटलमा कार्यरत २२ बर्षिय युवाको विहिवार विहान २ बजे उपचारक्रममा धौलागिरी अञ्चल अस्पताल बाग्लुङ्गमा र धवलागिरी गाउँपालिका, ७ ताकमकी एक महलिाको पोखरामा उपचारक्रममा मृत्यु भएको हो ।

पछिल्लो दुई हप्तामा जिल्लामा कोरोना भै बाग्लुङ र पोखरामा उपचार गराउन पुगेका ४ जना संक्रमितको मृत्यु भएको छ ।

त्यसैगरी विहिवारै म्याग्दीमा २६ जना कोरोना संक्रमित थपिएका छन । १९ जना आज कोरोना मुक्त भएको स्वास्थ्य कार्यालयले जनाएको छ । जिल्लामा हाल १ सय १० जना सक्रिय सक्रमित छन ।

विहिवार बेनी नगरपालिकाका १९ जना, रघुगंगाका ३ जना, मंगला र अन्नपूर्णका एक–एक जना र पारीवनी (जलजला)का २ जना छन । उनीहरुको वैशाख २० गते बेनी अस्पतालमा स्वाव संकलन गरिएको हो ।

छुट्टै म्याग्दी घर भै हाल पोखराको विभिन्न अस्पतालमा उपचार गराईरहेका थप ८ जनामा पनि कोरोना पुष्टी भएको छ ।