प्रहरी,स्वास्थ्यकर्मी र हाईड्रोका कर्मचारीसमेत विहिवार म्याग्दीमा ५ जना संक्रमित थपिए

म्याग्दीमा विहिवार थप ५ जनामा कोरोना संक्रमण पुष्टी भएको छ । यो संगै म्याग्दीमा सक्रिय संक्रमितको संख्या २६ पुगेको छ ।
स्वास्थय कार्यालयका प्रमुख एक नायारण लम्सालका अनुसार रघुगंगा हाईड्रोपावरमा कार्यरत ४१, ५० र ५५ वर्षका ३ जना पुरुष, जिल्ला प्रहरी कार्यालयमा कार्यरत २५ बर्षिय पुरुष र बेनी अस्पतालमा कार्यरत २७ बर्षिया एक स्थास्थ्यकर्मीमा कोरोना पुष्टी भएको हो । प्रहरी बाहेक सवै जना कन्ट्याक ट्रेसिङमा परेका ब्यक्ति हुन ।

कोरोना १९ जिल्ला विपत ब्यवस्थापन समितिका सदस्य सुरत केसीका अनुसार सक्रिय संक्रमित २६ जना मध्य ७ जना बेनीको खुल्ला मञ्चस्थित आईसोलेसनमा, ५ जना मंगला गाउँपालिकाको आईसोलेसनमा, ३ जना रघुगंगा हाईड्रोपावरकै आईसोलेसनमा र बाँकी १० जना संक्रमित भने आ–आफ्नै घरमा आईसोलेसनमा रहेका छन ।