वीमको खरिभीरमा ट्याक्टर दुर्घटनाहुँदा एक जनाको मृत्यु

मालिका गाउँपालिका,७ विमको खरिभीरमा ध १ त ५२६ नम्बरको ट्याक्टर सडकदेखी करिव ५ सय मिटर तल खस्दा रघुगंगा गाउँपालिका, ३ मौवाफाँटका सहचालक २३ बर्षिय आशिष खत्रीको उपचारक्रममा मृत्यु भएको छ ।
हिंड्न, वोल्न नसक्ने अवस्थामा उद्धार गरिएका खत्रीलाई अस्पताल पुर्‍याउँदा डाक्टरले मृत घोषणा गरेका थिए । दुर्घटनामा गम्भीर घाईते ट्याक्टर चालक जलजला गाउँपालिका, २ बस्ने प्रविन परियारको बेनी अस्पतालमा उपचार संभव नभएपछि मणीपाल शिक्षण अस्पताल पोखरा पुर्‍याईएको छ ।
दरवाङबाट गिट्टी लिएर सोही गाउँपालिका, ६ दिच्याममा निर्माणाधिन भगवती आधारभुत विद्यालय भवन तर्फ जाँदै गरेका ट्याक्टर आईतवार राती ११ बजे वस्तीबाहिर एकान्त स्थलमा दुर्घटना समयमै स्थानीय र प्रहरीले खवर नपाउँदा विहान मात्र उद्धारगरी अस्पताल पुर्‍याएको थियो ।
‘दुर्घटनाको समयमै जानकारी प्रहरी तथा स्थानीय उद्धारकर्तासम्म पुग्न ढिला हुँदा घाईतेको समयमै उपचार हुन समस्या भै मृत्यु हुन सक्छ । घट्नाको अनुसन्धान भैरहेको छ’ जिल्ला प्रहरी प्रमुख किरण कुँवरले बताए ।