पुनकाे पहिचान खाेज्ने ‘ पुन जाति र भाषा ’ शिर्षक पुस्तक प्रकाशित

छुट्टै जातिय पहिचानकाे खाेजीमा जुटेकाे पुन समाज नेपालले शनिवार पाेखरामा एक कार्यक्रमका विच ‘ पुन जाति र भाषा ’ शिर्षक पुस्तक प्रकाशित गरेकाे छ ।

मगर जाति भित्रकाे एउटा थरकाे रूपमा मानिदै अाएकाे पुनहरूले छुट्टै जातिको पहिचान स्थापित गर्नको लागि आवश्यक पहल संगै पुन जातिको भाषा, धर्म, संस्कार, संस्कृति, भेषभुषा, भुगोल, इतिहास आदीको प्रमाणिकरण तथा संरक्षण सम्बर्धन गर्ने उद्देश्यले ‘ पुन जाति र भाषा’ नामक पुस्तक प्रकाशित गरिएकाे अध्यक्ष भीम पुनले बताए ।

पुनहरूले अाफुहरू मगर , गुरूङ, छन्त्याल, थकाली जस्तै अाप्नै भाषा, लिपी, धर्म, संस्कार भएकाे छुट्टै जनजाति समुह भएकाे दावी गर्दै लामाे समयदेखी साेही अनुसार भाषा, लिपी, संस्कारकाे खाेजी, अध्ययन र अनुसन्धान गर्दै अाएकाे छ ।

मगर जाती अन्तर्रगत मानिएका पुनहरूले छुट्टै जाती दावी गरेपछी पुन समुदाय अन्तर्गत थर दावी गरिएका गर्वुजा, पाइजा, तिलिजा, शेरपुजा, फगामी, खाेरजा, रन्तिजा समेतका थरका ‘ मगर’  वा ‘ पुन’ भन्ने विषयमा विभाजित छन ।

‘ हाम्रो संस्कार, संस्कृति, रितिरिवाज, भेषभुषा, सांस्कृतिक कलाहरु, कुलदेवता र अन्य अलिखित इतिहास र कथाहरुलाई संरक्षण गर्दैजानेछ आशा राखेका छौं | मगर बन्धुहरुले “पुनहरू मगर होइनन” भनेर धेरै पटक ठुलाठुला सभा भेलामा भन्नु भएको छ, जुन सत्य कुरा थियो ’  पुन समाजका उपाध्यक्ष तथा अभियन्ता मध्यका एक लेप्टेन राजु पुनले सामाजिक सञ्जालमा लेखेका छन,  ‘ मगर बन्धुहरु संग पुनहरुको भाषा, संस्कार संस्कृति, रिति रिवाज, सांस्कृतिक कला, रहन सहन र भेष भुषा केहि मिल्दैन रपनि हाल सम्म उहाँहरुले तिमीहरु मगर नै हौँ भनेर आफ्नो छाता भित्र राख्नु भयो, धन्यवाद | आउँदा दिनहरुमा हामी आफ्नै पहिचान सहितको पुन जात भएर चिनिन चाहान्छौं, तपाईहरु संगको मित्रता छदै छ | हामी सोझासाझा, कलझगडा गर्न नजान्ने र नमाग्नेहरुको सिलोपालो पहिचानलाई जोगाउन र जीवित राख्नलाइ “सक्नुहुन्छ सहयोग गर्नुहोस्, सक्दैनौं नबिथोली दिनुहोस्| ’