म्याग्दीमा आजै थपिए २४ जना कोरोना संक्रमित, सकृय संक्रमित ७० पुग्यो

म्याग्दीमा आईतवार एकै दिन २४ जनामा कोरोना संक्रमण पुष्टी भएको छ ।
म्याग्दीको समुदायमा नयाँ भेरियन्ट सहित कोरोनाको दोस्रो लहर भुसको आगो झै फैलिएको छ ।

स्वास्थ्य कार्यालयका अनुसार आईतवार बेनीमा १ जना ३ महिने नावालक, ७ जना महिला र २ जना पुरुष, धवलागिरी गापाका १ जना पुरुष, मालिका गापामा १ जना पुरुष, रघुगंगा गापामा २ महिला, १ पुरुष, मंगला गापामा ३ पुरुष र पर्वत वेनीका २ पुरुष समेत २४ जनामा चिन्ह र लक्षण सहितको कोरोना संक्रमण पुष्टी भएको हो ।
कोरोना संक्रमितको ठेगाना अन्यत्र उल्लेख भएपनि प्राय: सवै बेनीमा बसोबास गर्ने हुन । स्वास्थय कार्यालय प्रमुख एकनारायण लम्सालका अनुसार आईतवार जिल्लामा ७० जना सक्रिय कोरोना संक्रमित रहेका छन । हालसम्म जिल्लामा ३ सय १७ जनामा कोरोना संक्रमण पुष्टी भएको छ । त्यसैगरी हालसम्म जिल्लामा कोरोनाबाट ११ जनाको मृत्यु भएको छ ।

जनसंख्याको अनुपातमा जिल्लामा कोरोना संक्रमण पुष्टी भएको संक्रमितको संख्या अधिक र भयावह मानिएको छ ।
सदरमुकाम बेनीमा कोरोना संक्रमण भयावह रुपमा फैलिएको भएपनि यहाँका सामाजिक अगुवाहरुले स्वास्थ्य सुरक्षा मापदण्डको ब्यापक उल्लङ्घन गर्ने गरेका छन । शनिवार मात्र जिल्ला खेलकुद विकास समितीका पदाधिकारीहरुको पदभार ग्रहण कार्यक्रमका सहभागी कसैले पनि मास्क नलगाएको तस्वीर सार्वजनिक भएको थियो ।