बेनी नगरपालिकाद्वारा बाढीपीडितलाइ करिव ४० लाख सहयोग

रसुवा जिल्लाको भोटेकोशी नदीमा आएको विनाशकारी बाढीबाट प्रभावित नागरिकहरूको राहत तथा उद्धार कार्यमा सहयोग पुर्‍याउन बेनी नगरपालिकाले आर्थिक सहायता उपलब्ध गराउने निर्णय गरेको छ।

नगर कार्यपालिकाको बैठकले नगरभित्रका जनप्रतिनिधि, कर्मचारी, स्वास्थ्यकर्मी तथा शिक्षकहरूको पारिश्रमिकबाट कट्टी गरी सङ्कलन गरिएको कुल रु. ३९,९४,३६६।– (उनन्चालीस लाख चौरानब्बे हजार तीन सय छैसट्ठी रुपैयाँ) प्रधानमन्त्री दैवी प्रकोप उद्धार कोषमा जम्मा गर्ने निर्णय गरेको हो ।

 प्राकृतिक विपत्तिको यस घडीमा प्रभावित क्षेत्रका नागरिकलाई राहत पुगोस् भन्ने उद्देश्यले नगरपालिका परिवारका तर्फबाट यो रकम कोषमा पठाइएको बेनी नगरप्रमुख सुरत केसीले बताए ।