भोटेकोशी विपत्तिका चार दिन : अझै के के थाहा छैन ?

भोटेकोशी विपत्तिको चाैथाे दिन पुग्दा अझै यो घटनामा कतिको मृत्यु भयो, कति घाइते छन् र कति सम्पर्कबाहिर छन् भन्ने एकीकृत विवरण अझै संकलन भइसकेको छैन ।

अझै रसुवासहित चितवन, धादिङ, तनहुँ, गोरखा, नुवाकोट र नवलपरासी पूर्वलगायतका ठाउँमा शव फेला परिरहेका छन् । अचानक बाढी आएको कारणबारे जलवायु विज्ञ, हिमाल र हिमनदीका विशेषज्ञहरू अध्ययनमा जुटेका छन् ।

बाढी प्रभावितको उद्धारका लागि नेपाली सेनासहितका स्वयंसेवकहरू घाइतेहरूको उद्धार तथा खोजीमा जुटिरहेका छन् । अधिकांश उद्धार उडानहरू रसुवा, टिमुरे, त्रिशूली तथा धुन्चे क्षेत्रमा केन्द्रित रहेका छन् ।

सरकारले राहत तथा सहायता वितरणमा एकद्वार नीति कायम गरेको छ । त्यसका लागि प्रधानमन्त्री दैवीप्रकोप उद्धार कोषमा सोझै रकम पठाउन सकिने व्यवस्था मिलाइएको छ ।

हालसम्म फेला परेका शवको संख्या : ६२६

हालसम्म घाइते तथा अन्य उद्धार गरिएको संख्या : ४,४५१

सम्पर्कविहीनको संख्या : २४२६

सम्पर्कविहीन प्रहरी कर्मचारी : २७

उद्धारमा परिचालित सुरक्षाकर्मी संख्या : १५,२२४

विभिन्न अस्पतालमा उपचाररत घाइते : १०१