पहिरोले बेनी-जोमसोम सडकका दुई ठाउँमा यातायात अवरुद्ध

वर्षासँगै सडक माथिबाट लेदो माटो सहितको पहिरो खस्दा बेनी–जोमसोम सडकका दुई फरक स्थानमा यातायात पूर्ण अवरुद्ध भएको छ।

प्रहरीका अनुसार म्याग्दीको रघुगंगा गाउँपालिका–२ स्थित सिरूवारी र अन्नपूर्ण गाउँपालिका–३ सुकेबगरमा पहिरो जाँदा सडक अवरुद्ध बनेको हो।

सडक विभागसँग समन्वयमा पहिरो हटाई सडक सञ्चालन गर्ने प्रयास भइरहेको र बाटो खुलाउन केही समय लाग्ने प्रहरीले जनाएको छ।