हिमपहिराेमा परी निर्मल पुर्जासहित १० जना पर्वताराेही सम्पर्कविहीन

पाकिस्तानको काराकोरम हिमशृंखलास्थित विश्वको १२ औँ अग्लो हिमाल ब्राेड पीक मा गएको हिपहिरोमा परी विश्वचर्चित कीर्तिमानी नेपाली आरोही निर्मल पुर्जा (निम्सदार्इ) सहित १० जनाको टोली सम्पर्कविहीन भएको छ।

पाकिस्तान पर्वतारोहण संघ (अल्पाइन क्लव अफ पाकिस्तान) र विविसी, इन्डियन एक्सप्रेस समेत अन्तर्राष्ट्रिय सञ्चार माध्यमहरूले जनाए अनुसार ८,०४७ मिटर उचाइको उक्त हिमालमा बिहीबार (जुलाई ३०) मध्याह्नको समयमा हिमपहिरो गएको थियो। हिमपहिरोपछि उक्त आरोहण दलसँगको सबै किसिमको सम्पर्क टुटेको अधिकारीहरूले पुष्टि गरेका छन्।

अल्पाइन क्लव अफ पाकिस्तानका अनुसार नेपाली किर्तिमानी अरेही निर्मल पुर्जाले नेतृत्व गरेके टोलीमा ५ जना नेपाली पर्वतारोहीहरूसहित एक अमेरिकी (मालोरी गेइस), एक चिनियाँ (मिस्टर वाङ), एक ओमानि (नाथिरे), एक पाकिस्तानी नागरिक (सोह्रिल साखी) र अन्य एक विदेशी नागरिक गरी कुल १० जना रहेका छन्।

घटनालगत्तै पाकिस्तान पर्वतारोहण संघ, सरकार तथासम्बद्ध उद्धार निकायहरूले आपतकालीन  खोजी सुरू गरेकाे समाचारहरूमा उल्लेख गरिएकाे छ । हेलिकप्टरमार्फत उद्धार टोली परिचालन गर्ने प्रयास भइरहेको र अवस्थाबारे आधिकारिक विवरण आउन बाँकी रहेको अधिकारीहरूले जनाएकाे समाचारहरूमा उल्लेख छ।

केही दिन अघि मात्रै बिना अक्सिजन गशेरब्रम-२ को सफल आरोहण गरेका पुर्जा आफ्नो ‘ह्याट-ट्रिक प्रोजेक्ट’ अन्तर्गत ब्राेड पीकको आरोहणमा थिए। उनको सुरक्षा र सकुशल उद्धारका लागि पर्वतारोही समुदाय तथा शुभचिन्तकहरूले चिन्ता व्यक्त गरेका छन्।

घटनाबारे थप विवरण आउने क्रममा रहेको छ।