बङ्गालको खाडीमा शक्तिशाली ‘डिप डिप्रेसन’: सप्ताहन्त नेपालभर मनसुन थप सक्रिय हुने, केही ठाउँमा भारी वर्षाको चेतावनी

बङ्गालको खाडीमा विकसित भएको शक्तिशाली ‘गहिरो न्यूनचापीय प्रणाली’ को प्रभावले नेपालको मौसममा ठूलो फेरबदल आउने भएको छ।

नेपालबाट केही टाढा रहेको मनसुनी ट्रफ उत्तरतर्फ सर्ने देखिएकाले हप्तान्त वा अर्के हप्ताके सुरू देखी नै देशैभर मनसुन थप सक्रिय हुने जल तथा मौसम विज्ञान विभागले जनाएको छ।

उत्तर-पश्चिम बङ्गालको खाडीमा बनेको यो शक्तिशाली प्रणालीले पश्चिम बङ्गाल र उत्तर ओडिसाको तट पार गर्दै भारतको ओडिसा, झारखण्ड र छत्तीसगढ तर्फ अगाडि बढिरहेको यस मौसमी प्रणाली र वायुमण्डलमा बनेका चक्रवातहरूको संयुक्त प्रभावले गर्दा ती राज्यहरूमा अति भारी वर्षा भइरहेको छ।

बङ्गालको खाडीमा बनेको यो शक्तिशाली प्रणालीले प्रत्यक्ष तथा परोक्ष प्रभाव नेपालमा पनि पर्ने भएकाले आगामी केही दिनसम्म देशका अधिकांश भूभागमा वर्षा हुने मौसमविद्हरूले बताएका छन् ।