मंगलवार राती चोरी भएको बेनीको फोहोर उठाउने ट्याक्टर, राखुपिप्लेमा अलपत्र भेटियो

सदरमुकाम बेनीमा दैनिक फोहोर संकलन गर्दै आएको ट्याक्टर राती सेतीपहिरो स्थित फोहोर संकलन क्षेत्रबाट चोरी भएको छ ।
३ बर्षदेखी बेनी नगरको फोहरमैला ब्यवस्थापन गर्दै आएका शेरबहादुर शेरपुन्जाका अनुसार अनुसार सोमबार राखी सेतीपहिरो स्थित फोहोर संकलन केन्द्रमा पाकिङ गरिराखेको ट्याक्टर मंगलवार राती चोरी भएको हो । फाेहाेर संकलन गर्ने ट्याक्टर नै चाेरी भएकाेले मंगलवार बेनीकाे फाेहाेर संकलन राेकियाे ।
‘‘ट्याक्टर थोरै अगाडी धकेलेर स्टार्टगरी निकाले जस्तो देखिन्छ । रातभर पानी परेकोले हुन सक्छ सडकमा निकालेपछि कता लगेको छ कुनै टायरको डाम देख्न सकिएन’’ शेरपुन्जाले भने, ‘‘मान्छेहरुले फोहोर संकलन गरी खान्छु भन्दा पनि सुख नदिने भए ।’’
जिल्ला प्रहरी कार्यालयका सूचना अधिकारी सागर तिमिल्सिनाका अनुसार मधेश प्रदेश ०३–००१ त् ८१८२ नम्बरको उक्त फोहोर उठाउने ट्याक्टर खोजीक्रममा रघुगंगा गाउँपालिका, ३ पिप्लेमा फेला परेको छ । तर चोर भने अझै पत्ता लागेको छैन ।