गुडिरहेको जिप जिपमाथि अर्काे जीप बज्रियो, घाइतेकाे उद्धार गरिँदै

म्याग्दीको धवलागिरि गाउँपालिका–७, फेदि स्थित सडकमा गुडिरहेको यात्रुबाहक जिपमाथि अर्को जिप खस्दा दुर्घटना भएको छ।

ताकमबाट दरबाङतर्फ आउँदै गरेको बा ७ च ७७९५ नम्बरको बोलेरो जिप घुम्तीबाट अनियन्त्रित भई पल्टिएर सोही समयमा अगाडी गुडीरहेकाे अर्काे ग ३ च ३३१४ नम्बरको यात्रुबाहक जिपमाथि बज्रिन पुग्दा उक्त दुर्घटना भएको हो।

दुर्घटनाको खबर पाउनासाथ इलाका प्रहरी कार्यालय दरबाङबाट खटिएको प्रहरी टोलीले तत्काल घटनास्थलमा पुगी उद्धार कार्य थालेको छ। घाइतेहरूको विवरण संकलन भइरहेको र उनीहरूलाई थप उपचारका लागि दरबाङ आधारभूत अस्पताल पठाइएको प्रहरीले जनाएको छ।