भीरकाटेमा पहरा भत्केर खस्दा इभीगाडी पुरियाे, चालककाे उद्धारगरी अस्पताल लगिँदै

बेनी–जोमसोम सडकअन्तर्गत अन्नपूर्ण गाउँपालकिा–६ भीरकाटेमा विष्फाेटन पछि छाेडिएकाे पहरा भत्केर खसेपछि सडकमा गुडीरहेकाे इभी गाडी पुरएिको छ ।

काेरलानाकाबाट नेचुङ भन्सारहुँदै  जाेमसाेमबाट पाेखरा तर्फ जाँदै गरेकाे अाएकाे चिनियाँ इभी गाडी म्याग्दीकाे अन्नपुर्ण गाउँपालिका, ६ भीरकाटेमा पहिराेमा पर्दा चालककाे घट्नास्थलमै मृत्यु भएकाे अाशंका रहेकाे प्रहरीले जनाएकाे छ । जिल्ला प्रहरी कार्यालय म्याग्दीका सुचना अधिकारी सागत तिमिल्सिनाका अनुसार पहिराेमा परी चालककाे घट्ना स्थलबाट उद्धारपछ प्रदेश अस्पताल बेनी लगिदै छ । तिमिल्सिनाले चालक जीवित रहे नरहेकाे अस्पताल पुगेपछि डाक्टरले पुष्टि गर्ने बताए ।
बेनी जोमसोम कालीगण्डकी करिडोरले उक्त अर्धभुमिगत (अंग्रेजी अक्षरको सी) आकारको सडक रहेको भीरकाटेमा विष्फोटनगरी सडक चौडा बनाउने काम भैरहेको थियो । विष्फोटनपछ स्काभेटरले सडक सफागरी दोहोरो गाडी खुलेपछि जोमसोमबाट पोखरा तर्फ जादै गरेको गाडीमाथी विष्फोटनपछि पुरै नहटाइएको पहराको भाग भत्केर खसेको हो ।