शसस्त्रको नियन्त्रणमा रहेका इभी गाडी फुकुवा

कोरला नाकाबाट नेचुङ भन्सार छलीगरी ल्याईएको आशंकामा शसस्त्र प्रहरीले नियन्त्रणमा लिएका ७ सय ७५ वटा बिवाइडी कम्पनीका विधुधिय सवारी साधन (इभी) फुकुवा भएका छन ।
शसस्त्र प्रहरी वल नेपालले मुस्ताङको कोरला, सदरमुकाम जोमसोम र पोखराको हेम्जा क्षेत्रमा नियन्त्रणमा लिईएका ती सवारी साधनहरु अर्थ मन्त्रालको पत्र अनुसार फुकुवा गरेको हो ।

शसस्त्रले कोरलामा ३ सय ९४ थान, जोमसोममा २ सय ६६ थान, पर्वतमा १७ थान र कास्की पोखरामा ९८ थान इभी गाडी नियन्त्रणमा लिएको थियो ।
शसस्त्र प्रहरी वलका प्रवक्ता नेत्रबहादुर कार्कीले अर्थमन्त्रालयले सवै प्रकृया पुरा भएकोले नियन्त्रणमा राखिएका सवै सवारी साधन फुकुवा गरिदिनु भनेकोले शनिवार साँझदेखी नै सम्बन्धीत आयातकर्तालाई बुझाएको बताए ।
जेठको पहिलो र तेस्रो साता कोरलानाकाहुँदै भित्रिएका थिए । अर्थमन्त्रालयले कोरला नाकाबाट भित्रिएका ती विधुतीय सवारी साधनको पैठारी प्रकृयामा कैफियत हुन सक्ने आशंकामा शसस्त्रलाइ उक्त सवारीसाधनहरु नियन्त्रणमा लिन आग्रह गरेको थियो ।

सरकारद्वारा गठित छानविन समितिले कोरला नाकाबाट भित्रिएका यी सवारी साधनहरु भित्रिएको प्रकृया अध्ययनपछि कैफियत नदेखिएको निस्कर्ष निकालेको थियो ।