बेगमा पहिरोले स्काभेटर पुर्दा चालक वेपत्ता

रघुगंगा गाउँपालिका, १ बेगको भीरजरा भन्ने स्थानमा सडक खन्नेक्रममा खसेको पहिरोले पुर्दा स्काभेटर चालक पदम कार्की वेपक्ता छन ।
बेगबाट बास्बोट वस्ती जोड्ने सडक खन्नेत्रममा एक्कासी माथीबाट माटोको ढिस्कोसहित खस्दा नम्बर नखुलेको स्काभेटर र सोही पालिका, २ सिजलगाउँका ५५ बर्षिय चालक कार्की वेपत्ता भएका हुन । प्रहरी निरिक्षक सागर तिमिल्सिनाका अनुसार स्थानीय र भगवती प्रहरी चौकीबाट खटिएको टोलीले पहिरो पन्छ्याएर चालक खोज्ने प्रयास भैरहेको छ ।
स्थानीयका अनुसार पहिरोमा पुरिएको स्काभेटर गाउँपालिका अध्यक्ष भवबहादुर भण्डारीको हो । प्रहरीले स्काभेटर नम्बर र धनीको बारेमा जानकारी गराएको छैन ।