वसन्त याममा १२ अरेही अन्नपूर्णको चुचुरोमा

विश्वको दशौँ अग्लो शिखर अन्नपूर्ण प्रथम (८,०९१ मिटर) मा ५ विदेशस्समेत १२ जना अाराेहीले शनिवार विहान यस सिजनको पहिलो सफल आरोहण गरेका छन ।
सेभेन समिट ट्रेक्सका अनुसार आज (शनिबार) अनुकूल मौसमको फाइदा उठाउँदै ५ जना विदेशी आरोही र ७ जना शेर्पा पथप्रदर्शकहरूले बिहान अन्नपूर्णको सफल आरोहण गरेका हुन्।
अरेहण गर्नेहरूमा चार्ल्स पेज (अमेरिका), भ्यालेरी बाबानोभ (रसिया), इस्राफली आसुर्ली (अजरवैजान), भ्लादिमिर अफनास्येभ (रसिया), युरी क्रुग्लोभ (रसिया) रहेका सेभेन समिट ट्रेकर्सले जनाएके छ ।
त्यस्तै नेपाली सहयेगी शेर्पाहरूमा लाक्पा शेर्पा, छेवाङ शेर्पा, दावा नुर्बु शेर्पा, पासाङ डुकपा शेर्पा, छाङ्बा शेर्पा, तारामान तामाङ र पासाङ शेर्पा रहेका छन ।
गत अप्रिल १४ मा आधार शिविरबाट प्रस्थान गरेको यो टोलीले भारी हिमपात र कठिन भू–बनोटलाई चिर्दै शिखरसम्मको यात्रा तय गरेको हो। रुट फिक्सिङ टोलीले डोरी टाँग्ने काम सम्पन्न गरेलगत्तै यो टोली अन्तिम अभियानका लागि अघि बढेको थियो।
त्यसैविच, संस्कृति, पर्यटन तथा नागरिक उड्डयन मन्त्रालय, पर्यटन विभागको पर्वतारोहण शाखाका अनुसार यस वर्षको वसन्त ऋतुमा अन्नपूर्ण हिमालका आरोहणका लागि ३ वटा भन्दा बढी आरोहण दलका करिब २५ देखि ३० जना आरोहीहरूले अनुमति लिएका छन्।
अन्नपूर्ण हिमाललाई मृत्युदरका हिसाबले सबैभन्दा जोखिमपूर्ण ८,००० मिटर अग्ला पहाडमध्ये एक मानिन्छ। विशेष गरी यहाँ जाने हिमपहिरो मुख्य चुनौती हुने गर्छ। सेभेन समिट ट्रेक्सले जानकारी दिएको विवरण अनुसार हाल शिखरमा पुगेका सबै आरोहीहरू सुरक्षित रहेको र उनीहरू आधार शिविरतर्फ ओर्लिरहेका छन्।