म्याग्दीमा जुवा खेलिरहेको अवस्थामा ५ जना पक्राउ

म्याग्दी जिल्लाको बेनी नगरपालिका–६, डम्मरास्थित एक घरमा जुवा खेलिरहेको अवस्थामा प्रहरीले ५ जनालाई पक्राउ गरेको छ ।
जिल्ला प्रहरी कार्यालयका अनुसार शनिबार दिउँसो स्थानीय ५५ वर्षीय तेज बहादुर खत्रीको घरमा जुवा/तास खेलिरहेको भन्ने गोप्य सूचनाका आधारमा उनीहरूलाई नियन्त्रणमा लिएको हो ।
भइरहेको सूचना अधिकारी प्रहरी निरीक्षक सागर तिमिल्सिनाका अनुसार पक्राउ पर्नेहरूमा स्थानीय तेज बहादुर खत्री, याम बहादुर थापा, कृष्ण किसान, लेलिन सापकोटा, रोशन राना रहेका छन ।
प्रहरीले जुवाको खालबाट नगद ३८,२८५/- (अठतीस हजार दुई सय पचासी रुपैयाँ) बरामद गरेको छ । पक्राउ परेका पाँचै जनालाई नियन्त्रणमा लिएर थप अनुसन्धान प्रहरीले जनाएको छ ।