म्याग्दीमा महावीर पुन प्राविधिक रूपमा विजयी

म्याग्दी निर्वाचन क्षेत्रको मत गणना अन्तिम चरणमा पुग्दा स्वतन्त्र उम्मेदवार महावीर पुन प्राविधिक रूपमा विजयी भएका छन । जिल्लाका ६ वटा स्थानीय तहमध्य अन्नपुर्ण गाउँपालिकाके मात्र मत गणना बाँकी रहँदा पुनले आफ्ना निकटतम प्रतिद्वन्द्वीलाई अपराजित मतान्तरले पछाडि पार्नुभएको हो।
घाषणाहुन बाँकी विवरण अनुसार महावीर पुनले १८,६४७ मत प्राप्त गर्नुभएको छ भने उनका निकटतम प्रतिस्पर्धी नेकपा (एमाले) का हरिकृष्ण श्रेष्ठले ६,८५२ मतले पछ्रयाएका छन । दुइ जना विच ११,७९५ मतान्तर छ । अव गणना गर्न अन्नपूर्ण गाउँपालिकाके ६,५५८ मत बाँकी छ ।
अन्नपूर्ण गाउँपालिका पुनको आफ्नै गृहपालिका समेत भएकाले त्यहाँबाट आउने मतले यो अन्तरलाई अझै फराकिलो बनाउने निश्चित छ।
म्याग्दीलाई परम्परागत रूपमा एमाले र कांग्रेसको बलियो पकड भएको जिल्ला मानिन्थ्यो। तर, महावीर पुनले पाएको मतले मतदाताहरू अब पार्टीको ‘ह्विप’ भन्दा पनि उम्मेदवारको ‘क्षमता’ र ‘छवि’ हेर्न थालेको संकेत गर्छ। एमाले, कांग्रेस र माओवादी जस्ता स्थापित शक्तिहरू पुनको आँधीबेहरीमा निकै पछाडि परेका छन्।
यस निर्वाचनमा प्रवासमा रहेका म्याग्देलीहरू र जिल्लाका युवाहरूको सक्रियता महावीर पुनको पक्षमा स्पष्ट देखिएको थियो। सामाजिक सञ्जाल र प्रविधिको प्रयोग गर्दै गरिएको ‘साइलेन्ट’ प्रचारले दलीय संयन्त्रलाई असफल तुल्याइदिएको छ।
बाँकी रहेको अन्नपूर्ण गाउँपालिकाको मत गणना अब केवल औपचारिकता मात्र हो।