कक्षा १२ को परीक्षा वैशाख १४ गतेदेखि सुरु हुने

राष्ट्रिय परीक्षा बोर्डले यस वर्षको कक्षा १२ को वार्षिक परीक्षा आगामी वैशाख १४ गतेदेखि सञ्चालन गर्ने भएको छ। बोर्डले साधारण, परम्परागत र प्राविधिक विषय समूहतर्फका नयाँ तथा पुरानो पाठ्यक्रम एवं ग्रेड वृद्धि परीक्षार्थीहरूको कार्यतालिका सार्वजनिक गरेको हो।
परीक्षा नियन्त्रक कृष्ण शर्माका अनुसार परीक्षा बिहान ८ बजेदेखि ११ बजेसम्म सञ्चालन हुनेछ। परिक्षा तालिका अनुसार वैशाख १४ गते पहिलो दिन अनिवार्य अंग्रेजीको परीक्षा हुनेछ। भने वैशाख २७ गते समाप्त हुने छ । यस वर्ष नियमिततर्फ ३ लाख ६० हजार विद्यार्थी सहभागी हुने अनुमान छ।
गत वर्षको तुलना: गत वर्ष कक्षा १२ को परीक्षा वैशाख २१ गते सुरु भई जेठ २ गते सम्पन्न भएको थियो। गत वर्ष नियमिततर्फ ३ लाख ९६ हजार ३४७ र आंशिकतर्फ १ लाख १४ हजार ६४० विद्यार्थी परीक्षामा सहभागी थिए।
यस वर्षको कक्षा १२ को परीक्षा वैशाख १४ गतेदेखि हुने भएको छ। राष्ट्रिय परीक्षा बोर्डले परीक्षाको साधारण, परम्परागत र प्राविधिक विषय समूहतर्फका नयाँ तथा पुरानो पाठ्यक्रम एवं ग्रेड वृद्धि परीक्षाको तालिका सार्वजनिक गरेको परीक्षा नियन्त्रक कृष्ण शर्माले जानकारी दिए।