लामो खडेरीपछि वर्षा र हिमपात, कृषक उत्साही, भोलीदेखी मौषममा सुधार हुने

जिल्लाको उच्च हिमाली क्षेत्रका वस्तीहरुमा मंगलवाररातीदेखी तल्लो क्षेत्रमा बर्षा र माथिल्लो क्षेत्रमा राम्राे हिमपात भएको छ । लामो खडेरीपछि परेको वर्षा र हिमपतापछि जनजीवन प्रभावित भएपनि कृषकहरु भने उत्साही भएका छन ।
मौषमविद्हरुले वुधवार दिनभर बर्षा र हिमपात हुन सक्ने र विहिवारदेखी मौषममा क्रमिक सुधार हुने बताएका छन ।
हिमपातबाट पर्यटकीय छन्त्याल बाहुल्य वस्ती गुर्जा भारी हिमपतालले गर्दा पैदलमार्गबाट विच्छेद भएको छ । घोरेपानी, महरे, खोप्रा, वेल लगाएत पर्यटकीय क्षेत्रमा रातीदेखी हिमपात निरन्तर भैरहेको छ । हिमपातले जिल्लाको उपल्लो भेगका लुलाङ्ग, मुदी, कुईने, चित्रे समेत घोडेपानी लागएतका वस्तीको जनजिवन प्रभावित भएको छ ।
जिल्लाको तल्लो क्षेत्रमा हल्का वर्षा भैरहेको छ । लामो खडेरीपछि हिमपात भएकोले कृषकहरु भने खुशी भएका छन् ।
त्यसैगरी हिमालपारीको जिल्ला मुस्ताङ्गको लेते, मुक्तिनाथ तथा उपल्लो मुस्ताङ्गमा भारी हिमपात भएको जिल्ला प्रहरी मुस्ताङले जनाएकाे छ ।