११ औँ जिल्ला स्तरीय रनिङ शिल्ड बेनी नगरपालिकाले उचाल्याे

बेनीमा शुक्रवार सम्पन्न ११ औँ जिल्ला स्तरीय राष्ट्रपति रनिङ्ग शिल्ड खेलकुद प्रतियोगिताको रनिङ शिल्ड उपाधि बेनी नगरपालिकाले उचालेकाे छ ।
जिल्ला खेलकुद विकास समितिको आयोजनामा सम्पन्न प्रतियोगितामा २५ स्वर्ण, १४ रजत र ६ काँस्य सहित ४५ पदक जित्दै बेनी नगरले उपाधि हात पारेको हो । त्यस्तै, प्रतियोगितामा ८ स्वर्ण, ५ रजत,३ काँँस्य पदक सहित १६ पदक जितेर अन्नपूर्ण गाउँपालिका दाेस्राे र ६ स्वर्ण, १२ रजत र १० काँस्य सहित रघुगंगा गाउँपालिका तेस्रो बनेका छन ।

प्रतियोगितामा म्याग्दीका ६ वटा पालिकाका करिब ४ सय विद्यार्थीहरुले प्रतियोगितामा सहभागीता जनाएका थिए ।
प्रतियोगितामा जिल्लामा रहेका एक नगरपालिका सहित पाँच गाउँपालिकाबाट पालिका स्तरीय राष्ट्रपति रनिङ्ग शिल्ड प्रतियोगितामा छनौट भएका छात्र, छात्रागरी ४०० विद्यार्थी खेलाहरुले प्रतिस्पर्धा गरेका थिए।

छात्र र छात्रा तर्फ भलिबल, कबड्डी र एथलेटिक्सतर्फ विभिन्न विद्यामा गरी कुल ४२ स्वर्ण पदकका लागि खेल प्रतिस्पर्धा गराइएकाे जिल्ला खेलकुद विकास समिति म्याग्दीका अध्यक्ष सुमन श्रेष्ठले बताए ।

प्रतियोगितामा विजेता पालिकाहरूलाइ विघठित प्रतिनिधी सभा सदस्य खमबहादुर गर्वुजाले नगद २० सहित रनिङ्ग शिल्ड, ट्रफि, मेडल र प्रमाणपत्र तथा देस्रे र तेस्रे हुनेले क्रमश ः नगद रु १५ हजार र १० हजारको साथमा ट्रफि, मेडल र प्रमाणपत्र हस्तान्त्रण गरे