न्यू वेष्टपोइन्ट बन्यो लायन्स छात्रा फुटबल च्याम्पियन

लायन्स क्लब अफ बेनी लभ्लीहिलको आयोजनामा खुल्ला मञ्चमा सम्पन्न दोस्रो लायन्स अन्तर माध्यमिक विद्यालय स्तरीय छात्रा फुटबलको उपाधि न्यू वेष्ट पोइन्ट आवासीय मावि बेनीले जितेको छ।
शनिबार सम्पन्न भएको खुल्ला मञ्च बेनीमा सम्पन्न भएको फाइनलमा न्यू वेष्ट पोइन्टले प्रकाश माविलाई १–० ले पराजित गदैं च्याम्पियन बनेको हो ।
न्यू वेष्ट पोइन्टलाई दोस्रो लायन्स कपको ट्रफी दिलाउने क्रममा सरिता पर्टेले दोस्रो हाफपछि एक गोल गरेकी थिइन् ।
प्रतियोगिताका विजेता र उपविजेता टिमलाइ पूर्व राज्यमन्त्री खमबहादुर गर्बुजा, लायन्स अन्तर्राष्ट्रिय अन्तर्गत डिष्ट्रिक्ट ३२५ आई नेपालकी डिष्ट्रिक्ट गभर्नर पार्वती खरेल पाण्डे, पूर्व गर्भनर चन्द्रकुमार केसी,जिल्ला खेलकुद विकास समितिका अध्यक्ष सुमन श्रेष्ठले क्रमशः ४० हजार,उपविजेता २५ हजार रुपैयाँ सहित मेडल,ट्रफी र प्रमाणपत्र र अनुशासित टिम बेनी सामुदायिक माविलाई ५ हजार रुपैयाँ नगद प्रदान गरे ।
प्रतियोगितामा म्याग्दीका १० विद्यालयको सहभागिता थियो।