अन्नपूर्णको राष्ट्रपति रनिङ शिल्ड मुक्तिमार्ग माविलाई

अन्नपूर्ण गाउँपालिकाले आयोजना गरेको अन्तर विद्यालय स्तरिय छैठौं राष्ट्र्रपति रनिङ शिल्ड २०८२ मुक्तिमार्ग माध्यामिक विद्यालय घारले उचालेको छ ।
अन्नपूर्ण गाउँपालिका, ८ नागी स्थित हिमाञ्चल माध्यामिक विद्यालयको खेल मैदानमा आयोगित प्रतियोगितामा ८ स्वर्ण, ५ रजत र ५ कास्यपदक जित्दै मुक्तिमार्ग माविले यस वर्षको अन्नपूर्ण गापा रनिङशिल्ड २०८२ हात पारेको हो ।

त्यसैगरी ज्ञानप्रकाश मावि दानाले ७ स्वर्ण, ९ रजत र ३ कास्यपदकसहित दोस्रो र प्रभा मावि नारच्याङले ४ स्वर्ण, ६ रजत र ४ कास्यपदक हात पार्दै तेस्रो बनेको छ ।
पालिका भित्रका १० माध्यामिक विद्यालय, २ आधारभुत विद्यालयसमेत १२ विद्यालयले छैठौ अन्नपूर्ण राष्ट्र्रपति रनिङ शिल्ड प्रतियोगितामा प्रतिस्पर्धा गरेका थिए ।