बेनीनगर स्तरिय राष्ट्रपति रनिङ शिल्ड न्यू वेष्टपोइन्टको पोल्टामा

बेनी नगरपालिका अन्तर विद्यालय स्तरिय छैठौं राष्ट्रपति रनिङ्ग शिल्ड बेनी स्थित न्यू वेष्टपोईन्ट आवसिय माध्यामिक विद्यालयले हात पारेको छ ।
प्रतियोगिताको अन्तिम छात्र भलिवलमा बेनी सामुदायीक माध्यामिक विद्यालयलाइ २–० सेटमा हराएपछि २० मा एक स्वर्ण जोड्दै शिल्डको दावेदार प्रकाश माविलाई दोस्रो स्थानमा सिमित गरेको थियो ।

प्रतियोगितामा न्यू वेष्टपोईन्टले २१ स्वर्ण, १५ रजत, १६ कास्यसहित पहिलो, २१ स्वर्ण, ११ रजत, ५ कास्यसहित प्रकाश माध्यामिक विद्यालय दोस्रो र ११ स्वर्ण, १५ रजत, १२ कास्यसहित बेनी सामुदायीक मावि तेस्रो भएका हुन ।
बेनी नगरपालिका अन्तर विद्यालय स्तरिय छैठौं राष्ट्रपति रनिङ्ग शिल्ड प्रतियोगितामा छात्र तथा छात्रा तर्फगरी एथलेटिक्स विधा तर्फ २६, भलिवल तर्फ २, कवड्डी तर्फ २, कराँते तर्फ १२ र उसु तर्फ १२ गरी ६६ इभेन्टमा प्रतिस्पर्धा भएको थियो ।

प्रतियोगितमा बेनी नगरपालिका भित्रका २० सामुदायीक तथा ७ संस्थागत गरी २७ वटा विद्यालयले सहभागी भएको बेनी नगरप्रमुख सुरत केसीले जनाए ।