म्याग्दी क्याम्पस र ग्रीन डेभलपमेन्ट बैंकबीच रोजगार सुनिश्चितताको सम्झौता

म्याग्दीको बेनीमा सञ्चालित म्याग्दी बहुमुखी क्याम्पस र ग्रीन डेभलपमेन्ट बैंक बीच रोजगार सुनिश्चितताका लागि सम्झौता भएको छ ।
सोमबार म्याग्दी बहुमुखी क्याम्पसमा आयोजित एक समारोहबीच क्याम्पस र बैंकबीच समझदारीपत्रमा हस्ताक्षर गरिएको हो । समझदारीपत्रमा म्याग्दी बहुमुखी क्याम्पसका श्रीधर सुवेदी र ग्रीन डेभलपमेन्ट बैंकको तर्फदेखि प्रमुख कार्यकारी अधिकृत (सिईओ) हरिबहादुर बुढाथोकीले हस्ताक्षर गरे ।
समुदायस्तरबाट सञ्चालित म्याग्दी बहुमुखी क्याम्पसमा अध्ययनरत उत्कृष्ट नतिजा ल्याउने विद्यार्थीहरुलाई रोजगारको सुनिश्चिततासहित आवश्यक सहयोग गर्ने गरी समझदारी भएको छ ।

समझदारीपत्रमा हस्ताक्षर कार्यक्रममा म्याग्दी बहुमुखी क्याम्पस सञ्चालक समितिका अध्यक्ष दिपेन्द्र श्रेष्ठ र ग्रीन डेभलपमेन्ट बैंकका सञ्चालक निर्देशक सूर्यप्रसाद लम्साल उपस्थित थिए ।
ग्रीन डेभलपमेन्ट बैंकसँग म्याग्दी बहुमुखी क्याम्पसले गरेको सम्झौता अनुसार उत्कृष्ट अङ्कसहित उत्तीर्ण हुने क्याम्पसका विद्यार्थीहरुलाई रोजगारको ग्यारेण्टी, इन्टनर्सिप गर्न पाउने अवसर, छात्रवृत्तिको कार्यक्रम सञ्चालन हुने क्याम्पस प्रमुख सुवेदीले बताए ।
कार्यक्रममा क्याम्पस प्रमुख सुवेदीले वि.सं. २०४८ सालमा स्थापना भएको म्याग्दी बहुमुखी क्याम्पसमा हाल कक्षा ११ देखि स्नातकोत्तर तहसम्म अध्ययन तथा अध्यापन गराउँदै अएके छ ।