अपाङ्गता भएका ९ व्यक्तिले पुरागरे अन्नपुर्ण वेस क्याम्प पदयात्रा

पर्यटन क्षेत्र र पदमार्गहरू अपाङ्गता भएका ब्यक्तिहरूकाे सहज पहुँच र समावेशी बनाउन अपाङ्गता भएका व्यक्तिहरुले अन्नपूर्ण प्रथम हिमाल (८०९१मी)काे आधार शिविरसम्म पदयात्रा गरेका छन् ।
अपाङ्ग सञ्जाल अन्नपूर्ण गाउँपालिकाको आयोजनामा दृष्टीविहीन, न्यूनदृष्टी, न्यून श्रवण समेत ६ प्रकारका अपाङ्गता भएका ९ जनाले कात्तिक ५ गते देखी ८ गतेसम्म अन्नपुर्ण वेस क्याम्पसम्मके पदयात्रा गरेका हुन ।
पदयात्रामा चोमु शेर्पा खुसी, ईश्वर बास्तोला, राजेश भण्डारी, सेरेवल पालसी सङ्गीता शर्मा, विशाल विक, भीम गुरुङ, वासु थकाली रहनुभएको थियो । उहाँहरुको सहयोगीका रूपमा बन्दना राई सहभागी भएकाे अन्नपुर्ण गाउँपालिका म्याग्दीकाे पालिका सञ्जालका सचिव विशाल विकले बताए ।
“अपाङ्गतामैत्री नीति र भौतिक संरचना निर्माण तथा पर्यटन क्षेत्रमा समावेशीता आवश्यक रहेको सन्देश प्रवाह गर्ने उद्देश्यले गरिएको पदयात्रा सफल भएको छ”, सञ्जालका सचिव विकले भने, “आधार शिविरको यात्रा निकै रोमाञ्चक भयो । साथीहरु सहजै तरिकाले आधार शिविर पुग्नु भयाे । यसले अन्नपुर्ण पदमार्गकाे प्रर्वद्वन मात्र भएकाे छैन, अपाङ्गता भएका ब्यक्तिहरूकाे हिम्मत र मनाेवलमा ठुलाे उर्जा थपेकाे महसुस भएकाे छ ।”