सहज पहुँच र समावेशी पर्यटनकालागी अपाङ्गता यात्रा

अन्नपूर्ण प्रथम हिमालको आधारशिविर तथा पञ्चकुण्ड हिमताल पुग्ने मौरिस हर्जोग पदमार्ग सवै खाले अपाङ्गता भएका ब्यक्तिको सहज पहुँच पुर्‍याउन र समावेशी पर्यटन प्रर्वद्धन गर्न म्याग्दीका अपाङ्गता भएका ब्यक्तिहरुले अन्नपूर्ण आधारशिविर पदयात्रा गर्ने भएका छन ।
अन्नपूर्ण गाउँपालिका अपाङ्ग सञ्जालको आयोजनामा अक्टोवर २१ देखी २५ तारेखसम्म अपाङ्गता भएका ब्यक्तिहरु अन्नपूर्ण प्रथम हिमाल आधारशिविर पदयात्रामा निक्लन लागेको आयोजक समितिका अध्यक्ष विशाल विकले बताए ।
‘अपाङ्गता भएका ब्यक्तिहरुको अन्नपूर्ण वेश क्याम्प पदयात्राले समावेशी पर्यटनमा अपाङ्गता क्षेत्रमा नयाँ अध्यायन हुने छ’ अध्यक्ष विकले भने, ‘पदयात्रा र पदमार्ग पनि अपाङ्गता मैत्री बनाउन हाम्रो प्रयास रहन्छ ।’
अध्यक्ष विकले टोलीमा कति जना सहभागी हुन्छन भन्ने अझै टुङ्गो भै नसकेको बताए ।