युनिक सहकारीको १९ औं साधारण सभा सम्पन्न, ५ प्रतिशत नगद लाभांश वितरण गर्ने

बेनी नगरपालिका, ८ क्याम्पसचोक स्थित युनिक वचत तथा ऋण सहकारी संस्था लिमिटेडले आफ्नो १९ औं बार्षिक साधारण सभा सोमबार सम्पन्न भएको छ ।
साधारण सभाको उद्घाटन गर्दै बेनी नगरपालिकाका प्रमुख सुरत केसीले बेनीमा रहेकामध्य निर्दिष्ट मापदण्ड पालना गर्दे अएका युनिक सहकारी एउटा उदाहरणीय सहकारी भएको उल्लेख गर्दै अहिलेको अवस्थामा सहकारीले लगानी गरेका लगानीमध्य आर्थिक वर्ष ०८१/८२ मा एक जनापनि भाका नाघेका ऋणी नहुनु, २ करोड पुँजी भएको संस्थाले २० लाख ५५ हजार वितरणयोग्य मुनाफा गर्नु उल्लेख्य छ ।
कुल ३ सय ९७ जना शेयर सदस्य र सहकारीको २ करोड १२ लाख ४९ हजार ५ सय शेयर पुँजी रहेको यस संस्थाले आर्थिक वर्ष ०८१/८२ मा सहकारी ऐनले निर्दिष्ट गरेका सवै कोष कट्टी गरी २० लाख ५५ हजार ७ सय ६३ रुपैयाँ वितरण योग्य मुनाफा आर्जन गरेको हो ।

सोमबार सम्पन्न युनिक वचत तथा ऋण सहकारी संस्था लिमिटेडको साधारण सभाले यस वर्ष ५ प्रतिशत नगद लाभांश वितरण गर्ने प्रस्तावलाइ पास गरेको छ । ०६४ साल असोज ६ गते स्थापना भएको युनिक सहकारीले प्रत्यक वर्ष नवदुर्गाको समयावधिमा बार्षिक साधारण सभा गर्दै आएको छ ।
संस्थाका अध्यक्ष ताराप्रसाद (बाबुराम) आचार्यले सहकारी क्षेत्रमा भयंकर ठूला आँधीवेहोरी आउँदा पनि युनिक सहकारी सतिसाल झै ठिङ्ग रह्यो । गत आर्थिक वर्षमा हामीले लगानी गरेका कुनै पनि कर्जा लगानीले भाखा नाघेनन भन्न पाउँदा खुसी लागेको उल्लेख गरे ।