बेनीमा मोटरसाईकलको ठक्करबाट ५ बर्षे बालकको मृत्यु

सदरमुकाम रहेको बेनी नगरपालिका, २ स्थित हाँडेभीरमा मोटरसाईकलले ठक्कर दिँदा गम्भीर घाइते बनेका स्थानीय ५ बर्षिय बालकको उपचारक्रममा पोखरामा मृत्यु भएको छ ।
जिल्ला प्रहरी कार्यालयका सूचना अधिकारी सागर पौडेलले दिएको विवरण अनुसार शनिवार मध्यान्न १२ बजेतिर बेनी–बाग्लुङ सडकको खवराबाट बेनी तर्फ आउँदै गरेको ध २ प ६९६ नम्बरको मोटरसाईकलले ठक्कर दिंदा गम्भीर घाईते बेनी नगरपालिका, ३ खानीडाँडा घर भै हाडेभिर बस्ने ५ बर्षिय केविन परियारको पोखरा स्थित मणीपाल शिक्षण अस्पतालमा उपचारक्रममा मृत्यु भएको हो ।
परियारको बेनी प्रदेश अस्पतालमा सामान्य उपचारपछि थप उपचारकालागी पोखरा स्थित मणीपाल शिक्षण अस्पताल पुर्‍याईएकोमा शनिवार साँझ ५ बजेर १० मिनेट जाँदा परियारको उपचारमा संलग्न डाक्टरले मृत्यु घोषणा गरेको प्रहरीले जनाएको छ ।
मोटरसाईकल दुर्घटनामा मोटरसाईकल चालक बेनी नपा, २ खवराका विशन सापकोटा र उनले चलाएको मोटरसाईकल प्रहरीले नियन्त्रणमा लिएको छ ।