दुर्घटनामा स्कुटर चालक गम्भीर घाईते

बेनी नगरपालिका, ६ डम्बरा स्थित घुम्तीमा जीप र स्कुटर एक आपसमा ठक्कर खाँदा स्कुटर चालक मंगला गाउँपालिका, २ सिमलचौरका २९ बर्षिय उमेश केसी गम्भीर घाईते भएका छन ।
बेनीबाट पश्चिम तातोपानी तर्फ जाँदै गरेको बाग्मती प्रदेश ०३––०१ च १५२३ नम्बरको जीप र तातोपानीबाट बेनी तर्फ आउँदै गरेको ग २१ प ६७९२ नम्बरको स्कुटर एक आपसमा ठक्कर खाएका थिए ।
जिल्ला प्रहरी कार्यालयका सुचनाा अधिकारी सागर पाैडेलका अनुसार घाईतेको गण्डकी प्रदेश अस्पताल (बेनी अस्पताल)मा उपचार भैरहेको छ । स्कुटर चालक केसीको टाउको र गर्धनमा गम्भीर चोट देखिएको छ, थप उपचार भैरहेको छ । विएस धौलागिरी कम्पनीको उक्त जीप चालक जैमिनी नगरपालिका, ८ बाग्लुङका सागर श्रीषलाई प्रहरीले नियन्त्रणमा लिएको छ ।