बाढी र पहिरोले चिमखोलामा दुई घरमा क्षति, मनसुनी विपद् सुरूकाे संकेत

असार १ गते राती परेको भारी वर्षापछ अएके बाढी र पहिरोका कारण रघुगंगा गाउँपालिका–७,चिमखोलामा दुई वटा घरमा क्षति पुगेको छ । चिमखाेलामा पहिराेले घरमा क्षति पुर्याएसँगै म्याग्दीमा यस वर्षकाे मनसुन विपद् सुरू भएकाे संकेत गरेकाे छ ।
पहिरोका कारण चिमखोलाको ३ नम्बर टोलका इन्द्रमान पुन (एक्रामन) र लेवाङका बेग पुनको घरमा क्षति पुगेको रघुगङ्गा गाउँपालिका–७, का वडा अध्यक्ष थकबहादुर पाइजा (रिम)ले बताए । उनीहरूलाइ सुरक्षित स्थलमा लगिएके वडाध्यक्षले जनाएका छन ।
सडक र जलविधुत अायाेजना निर्माणपछि चिमखाेला गाउँमा पछिल्ला केही वर्षदेखी बाढीपहिराे खस्नेक्रम बढेकाे छ । सडकमा पहिराे खस्दा चिमखोला हुँदै सोही गाउँपालिका–८ मंगले, पात्ले, घ्याँसीखर्क, चौरखानी लगायत वस्ती जेड्ने यातायात पनि अवरुद्ध बनेको छ ।