फरक-फरक दुर्घटनामा दुइ जनाकाे मृत्यु

सदरमुकाम बेनी नेराेफेराे राती १ बजेकाे वारपर माघ ३ र ४ गते राती फरक-फरक दुर्घटनामा दुइ जनाकाे मृत्यु भएकाे छ ।
हिजाे माघ ४ गते शुक्रवार राती १ बजे बेनीबाट घर फर्कने क्रममा बेनी नगरपालिका, ६ जरवुटामा ग १ ज ५९९१ नम्बरको बोलेरो जीप दुर्घटनाग्रस्तहुँदा चालक सोही ठाउँका ३५ बर्षिय तेजेन्द्र खत्रीको मृत्यु भएको छ ।
राती नै अन्य दुई यात्रुसहित घर फर्कनेक्रममा जरवुटाको घुम्तीमा जीप भित्तामा ठोक्किएर सडकमा पल्टिएको र तत्काल उद्धारगरी बेनी अस्पतालमा पुर्‍याएकोमा उपचारक्रममा खत्रीको राती १.३७ बजे मृत्यु भएको म्याग्दी प्रहरीले जनाएको छ । खत्रीकाे शव पाेष्टमार्टमकालागी बेनी अस्पतालमा राखिएकाे छ ।
त्यसैगरी माघ ३ गते राती १.३० बजे बेनीबाट पर्वतको जलजला गाउँपालिका, २ मल्लाज घर जानेक्रममा भुर्तुलाको भीरमा ग ५ प ४५५६ नम्बरको पल्सर मोटरसाईकल दुर्घटनाहुँदा सवार का २३ बर्षिय मनिस परियारको मृत्यु भएको थियो ।
दुर्घटनामा गम्भीर घाईते परियारलाई स्थानीयले उद्धारगरी बेनी अस्पतालमा पुर्‍याएकोमा डाक्टरले मृत घोषणा गरेका थिए ।
सदरमुकाम बेनीमा जारी आठौं म्याग्दी महोत्सवका साँगेतिक कार्यक्रमहरु राती ११.३० बजेसम्म जारी रहनु, महोत्सव मदिरामय हुनु र दुवै सवारी दुर्घटनाका मृतकहरु बेनीबाट घर फर्कनेक्रममा दुर्घटना हुनु संयोग मात्र नहुन सक्छ । हाे भन्ने अाधार पुष्टी भएकाे छैन ।
‘हिजो म्याग्दी र अस्ती पर्वतको भुगोलमा तर बेनीदेखी नजिकैको दुरीमा करिव उस्तै समयमा दुर्घटनामा दुई जनाले ज्यान गुमाएका छन । महोत्सवको साँगेतिक कार्यक्रम सकिने र दुर्घटना हुने समयावधी हेर्दा मिल्दोजुल्दो देखिएपनि महोत्सव नै कारक हो भन्न सकिएन । घट्नाको अनुसन्धान सुरु गरेका छौं’ जिल्ला प्रहरी कार्यालय प्रमुख प्रहरी नायव उपरिक्षक भरत श्रेष्ठले भने, ‘अनुमानको भरमा कुनै निकायलाई आरोपित गर्नु उपयुक्त हुँदैन, अनुसन्धानबाट सवै खुल्ला ।’