२० हजार पुरस्कार राशीको खुल्ला निवन्ध प्रतियोगिता हुने

म्याग्दी प्रवासी नेपाली संघ (मोना) राष्ट्रिय कार्यकारी समिति क्रोसियाको आयोजनामा २० हजार नगद पुरस्कार राशीको खुल्ला निवन्ध लेखन प्रतियोगिता हुने भएको छ ।
मोना क्रोसियाका अध्यक्ष रुपेश सन्दासका अनुसार ‘प्रवासी म्याग्देली दृष्टी, समृद्ध म्याग्दीको सृष्टि’ विषयमा म्याग्दी जन्मस्थल भै संसारभर जहाँसुकै रहेको भएपनि निवन्ध लेखन प्रतियोगितामा सहभागी हुनेछन ।
प्रतियोगिताले इमेल मार्फत पिडिएफ र वर्ड फाईल पठाउनु पर्ने आयोजकले वहिविार बेनीमा पत्रकार सम्मेलन गरी जानकारी गराएको हो । आयोजकका अनुसार निवन्ध लेखन प्रगियोगितामा पहिलो, दोस्रो, तेस्रो र सान्तोना हुनेले क्रमशः २० हजार, १५ हजार, १० हजार र ५ हजार नगदसहित ट्रफि र प्रमाण पत्र जित्ने छन ।
आयोजकका अनुसार प्रतियोगितामा सहभागी हुन नेपाली भाषामा अधिकतम १५ सय शब्दमा नबढाई निवन्ध लेख्नु पर्ने र सहभागी शुल्क वापत ५ सय तिर्नु पर्ने छ । त्यस्तै प्रवासबाट प्रतियोगितामा सहभागी हुन सो देशमा रहेको मोना राष्ट्रिय समितिले म्याग्दीको भएको प्रमाणित गर्नु पर्ने बताईएको छ ।