- Loading...
दशैंकाे मुखमा फेरी वर्षाकाे संभावना, कृषीमा क्षती पुग्न सक्छ
- पुनहिल डट कम
- ६ महिना अघि
- २५१ पटक पढिएको
वर्षा सकिएर उल्लासमय दिन सुरू हुने वेलामा फेरी असाेज २४–२५ गते नेपालकाे मध्यदेखी पूर्वी क्षेत्रमा हल्कादेखी मध्यम खालकाे बर्षाकाे संभावना माैषम विदहरूले अनुमान गरेका छन ।
यस वर्षकाे मनसुन बाहिरिने अनुमान गरिएका अन्तिम दिनमा र दशैंकाे संघारमा असाेज अन्तिममा फेरी अर्काे पानी पर्ने मनसुन पूर्वानुमान धान भित्राउने संघारमा रहेका कृषककालागी भने सुखद हैन ।
पछिल्ला वर्षमा पानी पर्ने दिन लम्बिने र ढिला सकिने मनसुनी प्रवृत्ति देखिएकाे छ । र यस वर्षपनी मनसुन सरदरभन्दा कम्तीमा एक साताबढी दिन लम्बिने प्रस्ट छ। जल तथा मौसम विज्ञान विभागले कर्णाली र सुदूरपश्चिम प्रदेशबाट असोज १९ मा मनसुन बाहिरिन सुरू गरेपनि देशका बाँकी भूभागबाट मनसुन बाहिरिन अक्टुवर १२ (असाेज २५) नाघ्ने छ ।
सन् २०१३ मा त सबैभन्दा ढिला अर्थात् १९ अक्टोबरसम्म (कात्तिक २ सम्मै) मनसुन लम्बिएको थियो। यस वर्ष सहित पछिल्ला लगातार पाँच वर्ष अक्टोबरको दोस्रो सातापछि मात्रै देशबाट मनसुन बाहिरिएको छ। यसले पछिल्ला दुई दशकमा मनसुनको प्रवृत्ति फेरिएको प्रस्ट्याउँछ।