मनसुनमा सरदरभन्दा कम वर्षा हुने पूर्वानुमान

पुनहिल डट कम
११ महिना अघि
७८ पटक पढिएको

यस वर्षको मनसुनमा सरदरभन्दा कम वर्षा हुने पूर्वानुमान गरिएको छ।

जल तथा मौसम विज्ञान विभागले आज ‘राष्ट्रिय मनसुन फोरम-२०८०’ कार्यक्रम गरी उक्त जानकारी गराएको हो। यस्तै अधिकतम तापक्रम सरदरभन्दा बढी रहने र न्यूनतम तापक्रम पनि सरदर भन्दा बढी हुने पूर्वानुमान गरिएको छ।

यस वर्ष एल–निनोको प्रभाव पनि एउटा कारण हो । प्रशान्त महासागरमा समुद्रको सतहको तापक्रम सामान्यभन्दा बढी तातो हुने अवस्थालाई एल-निनो भनिन्छ। यो एल–निनोको प्रभावले प्रशान्त महासागरबाट पूर्वी हावा आइरहेको छ । जसका कारण सिजन बिना नै बढी वर्षा हुन्छ ।

यसपटक अप्रिलमा खासै गर्मी थिएन । वैशाखको मध्यसम्म पनि पानी परिरहेको छ । यस्तो अवस्थामा यसपटक मनसुन सामान्यभन्दा कम हुनसक्छ । जुन तापक्रम बढ्नु पर्ने थियो, त्यो हुन सकेको छैन र त्यसको असर मनसुन कम हुँदा देखिनेछ ।