म्याग्दीका सहायक प्रमुख जिल्ला अधिकारीमा कोरोना संक्रमण

कन्ट्याक ट्रेसिङ र शंकास्पद विरामीबाट संकलन गरिएको स्वाबको पिसिआर परिक्षणको गर्दा जिल्ला प्रशासन कार्यालयका सहायक प्रमुख जिल्ला अधिकारी र जिल्ला प्रहरी कार्यालयका एक सवारी चालक समेत म्याग्दीमा १२ जनामा कोरोना संक्रमण पुष्टी भएको छ ।
त्यसैगरी अन्नपूर्ण गाउँपालिका, २ भुरुङ तातोपानी स्थित सीमा प्रहरी चौकीमा कार्यरत सई समेत अन्नपूर्ण गाउँपालिकामा ९ जनामा सोमबार एकै दिन कोरोना संक्रमण पुष्टी भएको छ । त्यसैगरी रघुगंगा गापामा पनि एक जनामा कोरोना संक्रमण भेटिएको छ ।
मोरङ ठेगाना भै अन्नपूर्ण गापा, ४ स्थित निलगिरी हाईड्रोमा कार्यरत पुरुष लक्षणसहित विरामी भएपछि पोखरामा उपचारक्रममा कोरोना पुष्टी भएको हो ।
‘हाम्रा कर्मचारीमा पनि कोरोना देखियो । प्रहरीमा भर्ना खुलेकोले कागज प्रमाणित देखी नागरिकता समेत सेवाग्राहीको भीड रहेकोले प्रशासन कार्यालयको सेवा भने बन्द हुँदैन । उच्च सतर्कतासहित सेवा जारी रहन्छ । सेवाग्राहीले पनि थप सतर्कता अपनाउनु होला’ प्रमुख जिल्ला अधिकारी उमाकान्त अधिकारीले भने, ‘अन्नपूर्ण गाउँपालिका कोरोना संक्रमणको हटस्पट बनेको छ । संभवन स्वास्थ्य सावधानी अपनाउने विषयमा बढी असावधानी भएको हुन सक्छ ।’