गण्डकी प्रहरी प्रमुख डीआईजी अर्याललाई कोरोना

गण्डकी प्रदेशका प्रहरी प्रमुख प्रहरी नायब महानिरीक्षक (डिआइजी) घनश्याम अर्याललाई कोरोना पुष्टि भएको छ ।

प्रदेश स्वास्थ्य निर्देशनालय गण्डकीका निर्देशक डा विनोदविन्दु शर्माले कन्ट्याक ट्रेसिङ आधारमा नमुना परीक्षण गर्दा डीआईजी अर्यालमा कोरोना पुष्टि भएको बताए ।

डा. शर्मालेभने, ‘डीआईजी सावलाई कोरोना पुष्टि भएको हो । स्वास्थ्य अवस्था राम्रो छ । हेल्दी एण्ड फिट हुनुहुन्छ ।

नेपाल प्रहरीको पोखरास्थित सशस्त्र गणमा कार्यरत प्रहरीहरुमा कोरोना देखिएसँगै पोखराका विभिन्न कार्यालयमा कार्यरत प्रहरी कर्मचारीहरुमा समेत कोरोना जोखिम बढेको थियो ।

सोक्रममा कन्ट्याक्ट टे«सिङ आधारमा अर्यालको नमुना संकलन गरी परीक्षण भएकोमा आइतबार रिपोर्ट पोजेटिभ आएको हो ।

यसैबीच, गण्डकी प्रदेशका एक सांसदमा पनि ३ दिनअघि कोरोना पुष्टि भएपछि उनी होम आइसोलेसनमा बसिरहेका छन् ।