रुप्स झरनामा बाढी, होटल, जेसिवी र बस बगायो

धौलागिरी हिमालय श्रृखलाको फेदीमा भारी वर्षापछि त्यसक्षेत्रबाट झर्ने खोला म्याग्दी, राहुघाट, रुप्से र मुस्ताङका कैकु र घाँसाखोलामा बाढीले विभिन्न संरचनामा क्षति पुर्‍याएको छ ।
भारी वर्षापछि रुप्सेखोलामा आएको बाढीले छहराको छेउमा रहेको एउटा होटल/रेष्टुरेन्ट, एउटा जेसिवी बगाएको स्थानिय इन्द्रसिं शेरचनले बताए । शेरचनका अनुसार रुप्सेखोलामाथी निर्माणाधिन मोटरपुलमा प्रयोग भएको जेसिवी र नजिकै पार्किङ गरेको एउटा वस पनि बाढीले बगाएको छ । गाडीको नम्बर र अन्य क्षतिको विवरण खुलेको छैन ।
त्यसैगरी मुस्ताङका प्रमुख जिल्ला अधिकारी प्रमुख जिल्ला अधिकारी वेदप्रसाद अर्यालका अनुसार तल्लो घाँसाको ठाडो खोलामा आएको बाढीले बेनी–जोमसोम सडकमा निर्माणाधिन पुल बगाएको छ ।
जिल्ला प्रहरी कार्यालय म्याग्दीका अनुसार म्याग्दी र राहुघाट खोलामा पनि बाढी आएको छ । यी खोलाले ठूला ठूला रुखमुढा बगाएको छ । बाढी पूर्वानुमान महाशाखाको वेभसाईटको रेनफल वाचमा म्याग्दीमा घोरेपानी, तातोपानी र दरवाङ तिन वटै स्टे
शनले पानी परेको देखाएको छैन । तर कालीगण्डकी नदीमा बहाव वढ्दो देखाएको छ ।