म्याग्दी सदरमुकाम जोड्ने सवै सडक पहिरोले अवरुद्ध

सदरमुकाम बेनीबाट छुट्ने सवै सडकमा साना–ठूला पहिरो झरेकोले यातायात पुरै ठप्प भएको छ ।
राजधानी समेत ठूला सहर जोड्ने बेनी–मालढुङ्गा सडकको जलजला गाउँपालिका, ४ वारीवेनीमा झरेको पहिरोले र बेनी–बाग्लुङ सडक तर्फ बेनी नगरपालिका, १ रत्नेचौरकोपारीपट्टी पहिरो झरेकोले अवरुद्ध छ ।
त्यसैगरी बेनी–जोमसोम सडकको रघुगंगा गाउँपालिका, ३ चमेरे, १ बेगखोलामा, अन्नपूर्ण गाउँपालिका, २ भुरुङ र ३ दानाको विभिन्न खण्डमा पहिरो झरेकोले यातायात अवरुद्ध छ । बेनीबाट पश्चिम दरवाङ जाने सडकको बेनी नगरपालिका, ६ डम्बरा, ४ सिङ्गामा पहिरो झरेकोले यातायात अवरुद्ध भएको प्रहरीले जनाएको छ ।
‘सदरमुकाम बेनी जोड्ने सवै मुख्य सडकहरु पहिरोले अवरुद्ध छन । रातभर परेको पानीले स–साना पहिरो जाँदा ग्रामिण सडकहरुको अवस्था झन खराव छ’ जि
ल्ला प्रहरी प्रमुख किरण कुँवरले भने, ‘मुख्य सडक खुलाउने प्रयास भएको छ । तर पानी पर्न नरोकिएकोले काममा वाधा पुगेको छ । जिल्लाभर अन्य बाढीपहिरोको जानकारी संकलन भैरहेको छ ।’