म्याग्दीमा एक जनामा कोरना संक्रमण पुष्टी

भारतबाट फर्किएर बेनीको न्यू वेष्टपोईन्ट कलेजको क्वारेन्टाईनमा बसेका मालिका गाउपालिकाका ३० बर्षिय पुरुषमा कोरना संक्रमण पुष्टी भएको छ ।
संक्रमित ति पुरुषलाई क्वारेन्टाईनबाट उपचारकालागी बेनी कै खुल्ला मञ्चमा नजिक रहेको शैक्षिक तालिम केन्द्रमा स्थापना गरिएको आईसोलेसनमा स्थानन्त्रण गरिएको प्रमुख जिल्ला अधिकारी ज्ञाननाथ ढकालले जानकारी गराए ।
बेनीको क्वारिन्टाईनमा बसेकामध्य १४ जनाको स्वाव बुधवार संकलन गरी पिसिआर विधीबाट पोखरा श्वास्थ्य विज्ञान प्रतिष्ठान (साविक गण्डकी अस्पताल)मा कोरना परिक्षण गर्दा विहिवार एक जनामा कोरना संक्रमण पुष्टी भएको गण्डकी प्रदेशको स्वास्थ्य मन्त्रालयले पुष्टी गरेको छ । १४ जनामध्य कति जनाको स्वाब परिक्षण भएको हो, खुलाईएको छैन ।
विहिवार जेठ ९ गते भारतको विभिन्न नाकाबाट आई बेनीका म्याग्दी क्याम्पस र न्यू वेष्टपोईन्ट क्वारेन्टाईनमा बसेका थप २९ जनाको स्वाब परिक्षणकालागी पोखरा पठाईएको बेनी अस्पतालले जनाएको छ ।
कोरना संक्रमणको उच्च जोखिममा रहेका ६ महिला समेत ८६ जनालाई बेनीको दुई वटा क्वारिन्टीनमा राखिएको छ । भारतबाट ठूलो संख्यामा जिल्ला भित्रन थालेपछि जिल्लाबासीमा कोरना संक्रमण समुदायमा फैलने क्रास बढेको छ । कोरना संत्रमण समुदायमा फैलन नदिन उनीहरुलाई भारतिय सीमा नाकाबाट उद्धार गरी सोझै क्वारेन्टाईनमा राखिएको थियो ।