न कार्यालय न जिम्मेवारी, अलपत्र कर्मचारी

साविक जनश्वास्थ्य कार्यालयका कर्मचारी साउन यता जिम्मेवराी विहिन छन । ०७५ असोजदेखी जिल्ला जनस्वास्थ्य कार्यालय विघटन भएपछि कार्यरत कर्मचारी जिम्मेवारी विहिन मात्र भएका छैनन, तलव समेत पाएका छैनन ।

साविक धौलागिरीका पर्वत, बाग्लुङु, म्याग्दी र मुस्ताङ हेर्ने गरी बाग्लुङमा प्रदेश स्वास्थ्य डिभिजन कार्यालय स्थापनापछि कार्यान्वयन नआउँदै विघटन हुँदा जनस्वास्थ्य तर्फका कर्मचारी अलपत्र छन । साविक जनस्वास्थ्य तर्फका जनस्वास्थ्य निरिक्षक भीम आचार्य, निनियर अहेव भरत आचार्य, क्षयरोग÷कुष्ठरोग सुपरभाईजर मनिष महतो, नायव सुब्बा रामचन्द्र पौडेल, खोप सुपरभाईजर गंगाधर पण्डित असोजदेखी जिम्मेवारी विहीन हुँदा हाँजिर गर्ने थलो छैन । तलव पाएका छैनन ।

‘हामी जनस्वास्थ्य तर्फका कर्मचारी अहिले न कार्यालय न जिम्मेवारीको अवस्थामा छौं । हाँजिर गर्ने ठाउँ र तलप पाउने निकाय पनि फेला पारेका छैनौं’ जनस्वास्थ्य निरिक्षक भीम आचार्यले भने, ‘मेरो त सदरमुकाममा क्लिनिक छ, कार्यालय नहुँदा यता विजी छु, अन्य साथीहरु वितरा परेका छन । जनस्वास्थ्यको अवस्था अस्तब्यस्त बनेको छ ।’

जिल्लाबाट कार्यालय हटेपछि जनस्वास्थ्य तर्फका कर्मचारी मात्र होईन, संञ्चालित खोप कार्यक्रम, क्षयरोग, कुष्टरोग, एचआईभी÷एड्स, सुरक्षित मातृत्व समेतका कार्यक्रम पनि अलपत्र परेका छन । पूर्ण खोपयुक्त जिल्ला घोषणामा रहेको म्याग्दीमा जनस्वास्थ्य हटेपछि जिल्लामा खोप कार्यक्रमको अनुगमन र अभिलेख हुन छोडेको छ । क्षयरोग, कुष्टरोगका विरामी र एचआईभी÷एड्स संक्रमितहरुको अभिलेख राख्ने नियमित औषधी सेवन गरे÷नगरेको नियमन भएको छैन ।

‘जनस्वास्थ्य कार्यालय खारेज भएपछि हामी जिम्मेवारीविहीन छौं । जिम्मेवारी छैन भनेर घर गएर बस्न भएन । बेनी जिल्ला अस्पतालमा जान्छौं । साविक कार्यालयको जिम्मेवारी अनुसार नगर÷गाउँपालिकासँग समवन्यय गरी अभिलेख राख्ने काम गरेका छौं’ क्ष्ँयरोग÷कुष्ठरोग सुपरभाईजर मनिष महतोले भने, ‘कार्यालय र जिम्मेवारी नहुँदा नियमित काम गर्न खोज्यो कसैले नपत्याउने रहेछन । फाल्टु जोकर जस्तै ।’